ކުރީގެ ރައީސް އަބްދުﷲ ޔާމީންގެ ލޯޔަރަކަށް އުޅުއްވި އާދަމް އާސިފް އެމްޑީޕީއާ ގުޅިއްޖެއެވެ.
އާސިފް ވަނީ އެމްޑީީޕީއަށް މިއަދު ސޮއިކުރައްވައި، މެމްބާޝިޕް ފޯމު އެމްޑީޕީގެ ޗެއާޕާސަން ފައްޔާޒް އިސްމާއީލްގެ އަތްޕުޅަށް އަރުވައިފައެވެ.
އެމްޑީޕީއަށް ސޮއިކުރުމާ ހަމައަށް އާސިފަކީ އިދިކޮޅު މައި ޕާޓީ، ޕީޕީއެމްގެ އިސްތިއުނާފީ ކޮމިޓީގެ މެންބަރެކެވެ. އާސިފް ވަނީ އެމްއެމްޕީއާރްސީ މެދުވެރިކޮށް ވޮޑުމުލާ ދޫކުރި މައްސަަލައިގައި ރައީސް ޔާމީނުގެ މައްޗަށް ހިންގި ޝަރީއަތުގައި އެ މަނިކުފާނުގެ ވަކީލެއްގެ ގޮތުގައި މަސައްކަތް ކުރައްވައިފައެވެ.
އާސިފްގެ އިތުރުން ޕީޕީއެމްގެ މަގުމަތީ ހަރަކާތްތަކުގެ އިސް އެކްޓިވިސްޓު، ގާނޫނީ ވަކީލު މުހައްމަދު ހަމްޒާ ވެސް މިއަދު ވަނީ އެމްޑީޕީއާ ގުޅިފައެވެ.