ތިނެއް ނޮވެމްބަރުގެ ބަތަލު ކުޅުދުއްފުށީ މާވާގެ، ޝަހީދު ހުސެއިން އާދަމްގެ ބައްޕަ އާދަމް މުހައްމަދު ނިޔާވެއްޖެ އެވެ.
އެނގިފައިވާ ގޮތުގައި އާދަމް ނިޔާވީ ހާލު ދެރަވެގެން ކުޅުދުއްފުށީ ރީޖަނަލް ހޮސްޕިޓަލްގައި ފަރުވާދެމުން ދަނިކޮށް މިއަދުގެ މެންދުރުފަހުގެ ވަގުތެއްގަ އެވެ.
މުސްކުޅި ބަލީގައި އާދަމް ޑޮކްޓަރަށް ދައްކަވާތާ ދުވަސްކޮޅެއް ވަނީ ވެފަ އެވެ.
އާދަމް ނިޔާވިއިރު ދުނިޔޭގައި އަނބަކާއި 6 ދަރިން އެބަ ތިއްބެވެ.