މާލޭގެ ކެފޭއެއްގައި މީހަކު އިންދައި ޚަބަރު ހުސްވެގެން ވެއްޓި، މަރުވެއްޖެއެވެ.
ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، މާފަންނުގައި ހުންނަ ކެފޭއެއްގައި އިން މީހަކު ޚަބަރު ހުސްވެގެން އައިޖީއެމްއެޗަށް ގެންގޮސްފައިވާ ކަމަށް މައުލޫމާތު ލިބިފައިވާ ކަމަށެވެ.
އެ މީހާ މަރުވެފައިވާ ކަމަށް އެ ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ބުންޏެވެ.
ފުލުހުން ބުނި ގޮތުގައި މަރުވެފައި ވަނީ މ. މޫން ޑްރޮޕްސް، އަހުމަދު ޝަރީފް (58އ) އެވެ.
މިދިޔަ ހޮނިހިރު ދުވަހު، ހެންވޭރުގެ ގެސްޓުހައުސެއް ތެރެއިން ވެސް މަރުވެފައި އޮތް ފިރިހެނަކު ފެނިފައިވެއެވެ.