މާލޭގެ ގެއެއްގެ ތެރޭގައި އާއިލާއެއް ތިއްބައި، ވަދެނުކުމެވޭނެ ގޮތެއް ނެތް ގޮތަށް "ރަހީނުކޮށް" ބަންދުކޮށްފިއެވެ.
ފާރެއް ރާނައި ބަންދުކޮށްފައިވަނީ ހ. ހުދުފިނިފެންމާގެއެވެ.
އެނގިފައިވާ ގޮތުގައި، އެ ގެއަކީ، އެ ގޭގެ ވެރިފަރާތުގެ އަތުން މަކަރާއި ހީލަތުން މީހަކު ފޭރިގަނެފައިވާ ގެއެކެވެ. އެ ގޭގެ ވެރި ފަރާތުން އެ ގެ ހޯދުމަށް އުޅޭތާ ވަނީ ދުވަސްތަކެއްވެފައެވެ. ނަމަވެސް އެކަމަށް ވަނީ ހައްލެއް ލިބޭ ގޮތް ނުވެއެވެ.
އެ ގޭ ތެރޭގައި އެއްބަޔު ތާށިވެފައިވާއިރު، އަނެއް ބައި މީހުން ތިބީ ގެއަށް ވަދެވޭނެ ގޮތް ނުވެ ތާށިވެފައެވެ. އެގޮތަށް ތިބޭތާ މިހާރު 8 ގަޑިއިރަށް ވުރެ ގިނައިރު ވަނީ ވެފައެވެ.
ފުލުހުން މިހާރުދަނީ އެ ސަރަހައްދުގައި ހަރަކާތްތެރިވަމުންނެވެ.