ދިވެހި ފިލްމީ ތަރި އައިމިނަތު ރަޝްފާ (އާޝާ) އޭނާގެ ފޭސްބުކް ޕްރޮފައިލަށް ވަރުގަދަ ޕޯސްޓެއް ދޫކޮށްލައިފިއެވެ.
އެ ޕޯސްޓުގައިވާ ފޮޓޯއިން ފެންނަނީ އާޝާ އާއި ދިވެހި ފިލްމީ ތަރި މުޙައްމަދު ރަޝީދު (ދަރާ) އެވެ.
އެ ޕޯސްޓްގައި އާޝާ ބުނެފައިވަނީ ލޯބީގައި ވަކި އުމުރެއް ނޯންނާނެ ކަމަށެވެ. އަދި ދަރާ ރަޝީދާއެކު އުފާވެރި ޙަޔާތެއް ހޭދަކުރުމުގެ ފުރުޞަތު ލިބުނީތީ އުފާކުރާކަމަށްވެސް ބުނެފައިވެއެވެ.
އާޝާގެ މި ޕޯސްޓަށް ދިވެހި ފިލްމީ ދާއިރާގެ ބައެއް ފަރާތްތަކުންވެސް ވަނީ މަރުޙަބާ ކިޔާފައެވެ. ނަމަވެސް ދެ ދެތަރިން އަސްލަށްވެސް ކައިވެނިކުރިކަން އަދި ވަނީ ޔަގީންނުވެފައެވެ. ފަހަރުގައި އެއީ ފިލްމީ ޕްރޮޖެކްޓަކާ ގުޅުންހުރި ކަމަކަށްވުންވެސް އެކަށީގެންވެއެވެ.