ބައެއް ބަދަލުތަކަކާ އެކު ޗާޕުކުރި 100ރ.ގެ އާ ނޫޓުތައް އަންނަ އާދީއްތަ ދުވަހު ދައުރުކުރަން ފަށާނެ ކަމަށް މަރުކަޒީ ބޭންކު، އެމްއެެމްއޭއިން ބުނެފި އެވެ.

 އާ ޗާޕުގައި ހުންނާނެ ބަދަލުތައް އެމްއެމްއޭއިން ވަނީ އާންމުކޮށްފަ އެވެ. އެގޮތުން  ދިވެހި ރުފިޔާގެ ނިޝާން ނޫޓުގެ ދެ ފަރާތުގައި ވަނީ ހިމަނާފައެވެ. އަދި އެ ނޫޓުތަކުގައި ހިމެނޭނީ ކުރީގެ ގަވަރުނަރު އަލީ ހާޝިމްގެ ސޮއެވެ.  ތާރީހަކަށް ޖަހާފައިވާނީ 7 ޖުލައި 2024، 1 މުހައްރަމް 1446 އެވެ.

އެމްއެމްއޭއިން ބުނި ގޮތުގައި އެ ނޫޓުތަކާއެކު މިހާރު ބޭނުންކުރާ 100ރ.ގެ ނޫޓުތައް ވެސް ދައުރުކުރާނެއެވެ.

ރާއްޖޭގައި މިހާރު ބޭނުންކުރަނީ މިނިވަންކަމަށް 50 އަހަރު ފުރުމާ ދިމާކޮށް 2016-2017ގައި ސަރުކާރުން ތައާރަފްކުރި 'ރަން ދިހަ ފަހެއް' ސީރީޒްގެ ނޫޓުތަކެވެ.

އެ ސީރީޒްގައި ހިމެނެނީ 5، 10، 20، 50، 100، 500 އަދި 1،000 ރުފިޔާގެ ނޫޓުތަކެވެ.