މ. އަތޮޅު ރަށެއްގައި އަޅާފައި އޮތް ރިސޯޓެއްގެ ލޯންޗެއް ވަގަށް ނަގައިގެން، ކުޑަ ފިރިހެން ކުއްޖަކު، އެކަނި މާލެ ހިނގައްޖެއެވެ.
"ލޯމާ" އަށް އެނގިފައިވާ ގޮތުގައި އެ 14 އަހަރުގެ ކުއްޖާ މާލެ ދިޔައީ "ލޯބިވެރިޔާ" އާ ބައްދަލުކުރުމަށް، ސިނަމަން ހަކުރާ ހުރާ ރިސޯޓުގެ ލޯންޗެއް ވަގަށް ނަގައިގެންނެވެ.
އެނގިފައިވާ ގޮތުގައި އެ ކުއްޖާ، މާލެ ދިއުމަށް ފުރީ ރޭ ދަންވަރުގެ ވަގުތެއްގައެވެ. އަދި އެ ކުއްޖާއަށް ހުޅުމާލެ އާދެވުނީ މިއަދު ހެނދުނުއެވެ.
އެ ކުއްޖާ ދަތުރުކުރި ލޯންޗު ފުލުހުންގެ ބެލުމުގެ ދަށުގައި ދޫނިދޫގަ އެވެ. ނަމަވެސް މިކަން އަދި ފުލުހުން ޔަގީންކޮށެއް ނުދެއެވެ.