މާފަންނު ގެއެއްގައި އަލިފާން ރޯވެގެން އެމްއެންޑީއެފުން ހަރަކާތްތެރިވާން ފަށައިފިއެވެ.
އެމްއެންޑީއެފުން ދެންމެ ބުނީ އަލިފާން ރޯވެފައިވަނީ ކެރެނީ މަގުގައި ހުންނަ މ. ރަބީއުވިލާ ގޭގައި ކަމަށެވެ.
އެ ހާދިސާގެ ލިބުނީ މިރޭ 8:19 ހާއިރުކަމަށްވެސް ބުންޏެވެ.
ދައުރުވަމުންދާ ވީޑިއޯތަކުން ފެންނަ ގޮތުގައި އަލިފާން ރޯވެފައިވަނީ އެ ގޭގެ ޓެރަހުގައެވެ. އަދި ވަރަށް ބޮޑަށް އަލިފާންގަނޑު ފެތުރެމުންދާ މަންޒަރުވެސް ފެނެއެވެ.
އެމްއެންޑީއެފުން މިހާރު އަންނަނީ އަލިފާން ނިއްވުމުގެ މަސައްކަތް ކުރަމުންނެވެ.