ސަޕްލައި ދޯންޏެއް ދިޔަވާތީ އެމްއެންޑީއެފުން އެހީތެރިކަން ފޯރުކޮށްދޭން ފަށައިފިއެވެ.
އެމްއެންޑީއެފުން މިރޭ ބުނީ ދިޔަވާން ފަށާފައިވަނީ ތިލަފުށިން މާލެއަށް ދަތުރު ކުރަމުން ދިޔަ ސަޕްލައި ދޯންޏެއް ކަމަށާއި މި ހާދިސާގެ ރިޕޯޓް ލިބިފައިވަނީ މިރޭ 19:49 އެހާކަންހާއިރު ކަމަށެވެ.
މި ރިޕޯޓް ލިބުމާއެކީ އެމްއެންޑީއެފް މާލޭ އޭރިއާ ކޮމާންޑް، ކޯސްޓްގާޑް ސެކަނޑް ސްކޮޑްރަންއިން އެހީތެރިކަން ފޯރުކޮށްދެމުން އަންނަ ކަމަށް އެމްއެންޑީއެފުން ބުންޏެވެ.
މި ހާދިސާއާ ގުޅޭ އިތުރު މައުލޫމާތެއް އަދި އެމްއެންޑީއެފުން އާންމު ކޮށްފައެއް ނުވެއެވެ.