އއ. ތޮއްޑޫ ޑައިވް ސެންޓަރެއްގައި މަސައްކަތްކުރާ ބިދޭސީ މުވައްޒަފަކަށް ހަމަލާދީ ޒަހަމްކޮށްލައިފިއެވެ.
ފުލުހުން މިއަދު ބުނީ، ޒަހަމްކޮށްލާފައިވަނީ، ތޮއްޑޫ ޑައިވް ވިލާ ސެންޓަރުގައި މަސައްކަތްކުރާ ރަޝިއާ މުވައްޒަފެއް ކަމަށެވެ. އޭނާއަށް ހަމަލާ ދީފައިވަނީ އިއްޔެ އިރުއޮއްސި 6:30 ހާއިރުއެވެ.
ފުލުހުން ބުނީ 42 އަހަރުގެ އެ މީހާއަށް ތޮއްޑޫ ހެލްތު ސެންޓަރުގައި ފަރުވާ ދިނުމަށް ފަހު މިހާރު ދޫކޮށްލާފައިވާ ކަމަށާއި އެ މީހާގެ ހާލު ރަނގަޅު ކަމަށެވެ.
މި މައްސަލައާ ގުޅިގެން މިހާތަނަށް އައި މީހަކު ހައްޔަރެއް ނުކުރެއެވެ.