ކުޅުދުއްފުށި ސިޓީގައި ހުންނަ މޯލްޑިވްސް އިސްލާމިކް ބޭންކް (އެމްއައިބީ) ބުރާންޗުގެ މެނޭޖަރަކަށް ބޭފުޅަކު ހަމަޖައްސަވައިފި އެވެ.
އެމްއައިބީގެ ކުޅުދުއްފުށީ ބުރާންޗުގެ މެނޭޖަރެއްގެ ގޮތުގައި ހަމަޖައްސާފައިވަނީ މުހައްމަދު އިހުސާނެވެ.
އިހުސާނަކީ ބޭންކިން ދާއިރާއިން ތަޖުރިބާ ލިބިވަޑައިގެން ހުންނެވި ބޭފުޅެކެވެ. އެގޮތުން އޭނާ މީގެ ކުރިން ވަނީ ކޮމާޝަލް ބޭންކް އޮފް މޯލްޑިވްސް (ސީބީއެމް) ގައި މަސައްކަތް ކުރައްވާފައެވެ.
ކުޅުދުއްފުށި ސިޓީގައި އެމްއައިބީގެ ބުރާންޗެއް ހުޅުވީ 2016 ވަނަ އަހަރު އެވެ.