އަންނަ އަހަރު ބާއްވާ ރައްޔިތުންގެ މަޖިލިސް އިންތިހާބުގެ ޕީޕީއެމް/ޕީއެންސީގެ ޓިކެޓު، ދިޔަރެސްގެ ކޯ ފައުންޑަރު އަހުމަދު އަޒާނާއި މާލެ ސިޓީ ކައުންސިލްގެ މެންބަރު އިބްރާހިމް ސުޖާއު އާއި އިބްރާހީމް ސަނާހް (ސަންޓޯ) އަށް ކަށަވަރުވެއްޖެއެވެ.
މި މަހުގެ 23 ވަނަ ދުވަހު ޕީޕީއެމް/ޕީއެންސީގެ މަޖިލިސް ޕްރައިމަރީ ބާއްވާއިރު، އަޒާން ކުރިމަތިލާފައިވަނީ، އައްޑޫ ސިޓީގެ ހިތަދޫ މެދު ދާއިރާއަށެވެ. ސުޖާއު ބާރަށު ދާއިރާއަށް ވާދަކުރާއިރު. ސަންޓޯ ވާދަކުރަނީ ތިމަރަފުށީ ދާއިރާއަށެވެ.
އެ ތިން ބޭފުޅުންނަށް ޕީޕީއެމް/ޕީއެންސީގެ ޓިކެޓު ކަށަވަރުވީ އިތުރު މީހަކު އެ ދާއިރާތަކުގެ ޕްރައިމަރީގައި ވާދަނުކުރާތީއެވެ.
ޕީޕީއެމް/ޕީއެންސީގެ ޕްރައިމަރީގައި 350 އަށްވުރެ ގިނަ ކެނޑިޑޭޓުން ވާދަކުރެއެވެ..