ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އިން ވިއްކާ ތެލުގެ އަގު ހެޔޮކޮށްފިއެވެ.
އެސްޓީއޯއިން އެކްސްގައި ރޭގެ ވަގުތެއްގައި ކުރި ޕޯސްޓެއްގައި ބުނީ، މިއަދުން ފެށިގެން އެ ކުންފުނިން ޕެޓްރޯލް ލީޓަރަކުން 40 ލާރި އަދި ޑީސަލް ލިޓަރަކުން 45 ލާރި ހެޔޮކޮށްފައިވާ ކަމަށެވެ.
އެހެންކަމުން މިހާރު ޕެޓްރޯލް ލީޓަރެއްގެ އަގަކީ 14.33 ރުފިޔާއެވެ. ޑީސަލް ލީޓަރެއްގެ އަގަކީ 14.62 ރުފިޔާއެވެ.
މިއަހަރުގެ މިހާތަނަށް އެސްޓީއޯއިން ތިން ފަހަރަކު ތެލުގެ އަގު ހެޔޮކޮށްފައެވެ.