ރޭ ފަތިހުން ފެށިގެން މާލެއަށް ބޯކޮށް ވާރޭވެހި މަގުތަކުގައި ފެންބޮޑުވުމުގެ ސަބަބުން، ފެން ހިންދުމަށް ސިފައިން ހަރަކާތްތެރިވާން ފަށައިފި އެވެ.
އެމްއެންޑީއެފުން ބުނި ގޮތުގައި ފެން ހިންދުމަށް ސިފައިން ހަރަކާތްތެރިވަމުންދަނީ އައިޖީއެމްއެޗު އަދި ދިރާގު މައި އޮފީސް ސަރަހައްދުގަ އެވެ.
މޫސުމާބެހޭ ގައުމީ އިދާރާ (މެޓް އޮފީސް) އިން ބުނި ގޮތުގައި މިއަދު ހެދުނު 7:00 އާއި 11:55 ދެމެދު މާލެއަށް 79.1 މިލިމީޓަރުގެ ވާރެ ވެހިފައިވެ އެވެ.
މެޓް އޮފީހުން ވަނީ، މެދުރާއްޖެތެރޭގެ ގިނަ އަތޮޅުތަކަށް ޔެލޯ އެލާޓު އަދި އުތުރުގެ އަތޮޅުތަކަށް ވައިޓް އެލާޓު ނެރެފަ އެވެ.