މާލޭގައި ހުރި ކޭއެފްސީ އާއި ޕިއްޒާ ހަޓްގެ އައުޓްލެޓްތައްވެސް ބަންދުކޮށްފި އެވެ.
އެ ދެތަން ބަންދުކުރީ މިދިޔަ ހަފްތާގަ އެވެ.
އިޒްރޭލުން ފަލަސްތީނުގައި ހިންގަމުންދާ ގަތުލުއާއްމާ ގުޅިގެން އިޒްރޭލަށް މަދަދުވެރިވާ ބްރޭންޑްތައް ރާއްޖޭގައި ބޮއިކޮޓްކުރަން ގޮވުމުގެ އަޑު ގަދަވުމުގެ ސަބަބުން ވިޔަފާރި ވަރަށް ބޮޑަށް ދަށްވެ، ހުޅުމާލޭގައި ހުރި ކޭއެފްސީ އާއި ޕިއްޒާ ހަޓް ރެސްޓޯރެންޓް ވަނީ މިދިޔަ އަހަރުގެ ނޮވެމްބަރު މަހު ބަންދުކޮށްފަ އެވެ.
އެނގިފައިވާ ގޮތުގައި މާލޭގެ ކޭއެފްސީ އާއި ޕިއްޒާ ހަޓް ބަންދު ކުރިއިރު، އެތަނުގެ ބައެއް ސާމާނުތައް ވިއްކާލުމުގެ މަސައްކަތްތައް ދަނީ ކުރަމުންނެވެ.
ކޭއެފްސީ އާއި ޕިއްޒާ ހަޓް ރެސްޓޯރެންޓް މާލޭގައި އެންމެ ފުރަތަމަ ހުޅުވީ 2018 ވަނަ އަހަރު އެވެ. އޭގެ ފަހުން އެ ދެ ފްރެންޗައިސްގެ އައުޓްލެޓް ވަނީ ހުޅުމާލޭގައި ވެސް ހުޅުވައިފަ އެވެ.