ރާއްޖޭގެ ކަނޑުގެ ސަަރަހައްްދުން މަސްވެރިކަން ކުރަމުންދިޔަ ބޭރުގެ ހަތަރު ބޯޓެއް އަތުލައިގެންފިއެވެ.
އެމްއެންޑީއެފުން ދެންމެ ބުނީ، ރާއްޖޭގެ ހާއްސަ އިގްތިސޯދީ ސަރަހައްދުގައި ގާނޫނާއި ހިލާފަށް މަސްވެރިކަން ކުރަމުންދިޔަ ބޭރުގެ ހަތަރު މަސްބޯޓެއް ކޯސްޓްގާޑުގެ ބެލުމުގެ ދަށަށް ގެނެސްފައިވާ ކަމަށެވެ.
އެ ބޯޓުތައް އަތުލައިގެންފައިވަނީ އދ. މަހިބަނދޫ "އަސުރުމާ" ދޯނިން ފޯރުކޮށްދިން މައުލޫމާތުގެ އެހީގައި ހިންގި އޮޕަރޭޝަނެއްގައެވެ. ނަމަވެސް އަތުލައިގަތީ ކޮން ގައުމެއްގެ މަސް ބޯޓުތަކެއްކަމެއް އެނގިފައެއް ނުވެއެވެ.
އެމްއެންޑީއެފުން ބުނީ، އެ އޮޕަރޭޝަން އަދިވެސް ކުރިއަށްދާ ކަމަށެވެ.