އައިޝަތު ރައުފު 43އ އަކީ އެކަނިވެރި މައެކެވެ. ދެ ދަރީންގެ މަންމައެވެ. އައިޝާގެ ދޮށީ އަންހެން ދަރިފުޅަށް މިހާރު 18 އަހަރުވެފައިވާއިރު ހަނގު ދަރިފުޅު 13 އަހަރު ވެއްޖެއެވެ. އައިޝާގެ ހަޔާތަށް ކުރިމަތިވެފައިވާ އެންމެ ބޮޑު ހިތްދަތިކަމަކީ، އޭނާގެ ސިއްހަތެވެ. ދެހާސް އެގާރަވަނަ އަހަރު، އައިޝާގެ ކިޑްނީ ފެއިލްވިފަހުން މިއަދާ ހަމައަށްވެސް އޭނާ ދިރިއުޅެމުންދަނީ ވަރަށް ހިތްދަތި އަދި ވޭނީ ދިރިއުޅުމެކެވެ.
އައިޝާ އެންމެ ފުރަތަމަ ޑައިލަސިސް ހަދަމުން ދިޔައީ ފިސްޓިއުލާ ނުލައްވައެވެ، ނަމަވެސް އޭނާގެ ހާލު ދެރަވެ، ޑައިލަސިސް މިހާރު ހަދަނީ ފިސްޓިއުލާ ލައްވައިގެންނެވެ.
އައިޝާގެ ހާލު ދުވަހަކަށްވުރެ ދުވަހެއް ދަނީ ދަށަށެވެ. ހަފްތާއަކު ތިން ދުވަހު ޑައިލަސިސް ހަދަން ޖެހޭއިރު، ކަރަށް ހޮޅި ގުޅައިގެން ޑައިލިސިސް ހެދުމުގެ ސަބަބުން އެތަނުގައި އިންފެކްޝަން ހެދި އޭގެ އަސަރު އޭނާގެ ސިކުނޑިއަށްވެސް ވަނީ ކޮށްފައެވެ.
އައިޝާގެ ބައްޔަށް އިންޑިއާއިންވެސް ފަރުވާ ހޯދާފައިވާއިރު، ޑޮކްޓަރުންގެ ލަފައަކީ ކުރިއަށް އޮތް ހަ މަސް ދުވަހުގެ ތެރޭގައި ކިޑްނީ ޓްރާންސްޕްލާންޓް ހެދުމެވެ. އެއީ އައިޝާއަކީ އުމުރުން އަދި އެހާ ދުވަސްވީ މީހަކަށް ނުވެފައި ފަރުވާ ލަސްވެއްޖެނަމަ އެކަމުގެ ގެއްލުން ހަށިގަނޑުގެ އެހެން ގުނަވަންތަކަށްވެސް ކުރާނެތީއެވެ.
އައިޝާއަކީ އެކަނިވެރި މަޔަކަށްވެފައި އޭނަގެ ހުރިހާ ކަމެއް ބަލަހައްޓާ ބޭސްފަރުވާގެ ކަންތައްވެސް ކުރަމުންދަނީ އާއިލާއިންނެވެ. އެހެންކަމުން، އައިޝާގެ ކިޑްނީ ޓްރާންސްޕްލާންޓް ކުރުން ފަދަ ކަމަކަށް ބޭނުންވާ ވަރަށް ފައިސާ ނެތުމުން އައިޝާއާއި އޭނާގެ އާއިލާއިން އެދެނީ އާއްމުންގެ ދީލަތި އެހީއަކަށެވެ.
ބޭންކް އޮފް މޯލްޑިވްސް އެކައުންޓު ނަންބަރު (ރުފިޔާ) 7770000144528
ބޭންކް އޮފް މޯލްޑިވްސް އެކައުންޓު ނަންބަރު (ޑޮލަރު) 7730000591784
އިތުރު މައުލޫމާތު ހޯދުމަށް: 9494240