ސްރީ ލަންކާގެ މައި އެއާޕޯޓަށް ގޮސް ހުރި ދިވެއްސެއްގެ ފޮށިން ފިސްތޯލައެއް ކަމަށް ބެލެވޭ އެއްޗެއް ފެނިގެން ލަންކާގެ ފުލުހުން އޭނާ ރޭ ހައްޔަރުކޮށްފި އެވެ.
ލަންކާގެ ފުލުހުންނާ ހަވާލާ ދީ، އެ ގައުމުގެ "އޭޑީއޭ ޑެނާރާ" ނޫހުގައި ރިޕޯޓުކޮށްފައިވާ ގޮތުގައި އެ މައްސަލައިގައި ހައްޔަރުކޮށްފައިވަނީ، ރޭ ދަންވަރު ފުރަން އޮތް ފްލައިޓަކުން ރާއްޖެ އައުމަށް އެއާޕޯޓަށް ގޮސް ހުރި 58 އަހަރުގެ ދިވެހި ފިރިހެނެކެވެ.
އެ ނޫހުން ރިޕޯޓުކޮށްފައިވާ ގޮތުގައި އޭނާގެ ލަގެޖު ބަލައި ފާސްކުރިއިރު ވަނީ، ރިވޯލްވާ ކަމަށް ބެލެވޭ ފިސްތޯލައެއްގެ ފެނިފައެވެ.
ލަންކާގެ ފުލުހުން އަންނަނީ މި މައްސަލަ އިތުރަށް ތަހުގީގުކުރަމުންނެވެ.