ލީބިޔާގައި ސުނާމީއެއް ފަދައިން ބޮޑުވި ފެންގަނޑުގައި މިހާތަނަށް 2،300 މީހުން މަރުވެ، 10،000 އަށް ވުރެ ގިނަ މީހުން ގެއްލިއްޖެ އެވެ.

މިދިއަ އާދިއްތަދުވަހު ލައްވާލި ތޫފާން ޑެނިއެލްގެ ސަބަބުން ގަދަ ވިއްސާރައާ ކުރިމަތިވެފައި އޮތް ލީބިޔާގެ ބައެއް ސަރަހައްދުތަކަށް އާދަޔާ ހިލާފު ފެންގަނޑެއް ވަނީ ފެތުރިފައެވެ.

ވިއްސާރައިގެ ސަބަބުން ފެތުރުގެ ފެންގަނޑުގެ ސަބަބުން، ހަތަރު ބްރިޖް ވެއްޓިފައިވާއިރު މިހާތަނަށް 10،000 ވުރެ ގިނަ މީހުން ގެއްލިފައިވާ ކަމަށް ރިޕޯޓްތައް ބުނެއެވެ. އަދި 2،300 މީހުން މަރުވެފައިވާއިރު މަރުވި މީހުންގެ އަަދަދު 5،000 އަށް އަރާފާނެ ކަމަށް އެ ގައުމުގެ ގައުމީ ޓީވީ ލާނާ އިން ބުނެފައިވެއެވެ. 

އެ ހާދިސާގައި އެންމެ ބޮޑަށް އަޑިއަށް ގޮސްފައި ވަނީ ދަރުނާ އެވެ. ސުނާމީއެއްގެ ގޮތަށް އެރި ފެންގަނޑުގެ ސަބަބުން އެ ސަރަހައްދުގެ ގިނަ ބަޔަކު މޫދަށް ދަމައިގަނެ ކާރުތަކާއި އެހެން ބައެއް ވެހިކަލްވެސް މޫދަށް ދަމައިގެންފައިވެއެވެ. 

ލީބިޔާއަށް ކުރިމަތިވި ފެންބޮޑުވުމުގެ ހާދިސާއަކީ 1900 ގެ ފަހުން ދެކުނު އެފްރިކާގެ ގައުމަކަށް ކުރިމަތިވި ދެވަނަ އަށް އެންމެ ނުރައްކާތެރި ފެންބޮޑުވުމުގެ ހާދިސާއެވެ. އެންމެ ނުރައްކާތެރި ފެންބޮޑުވުމުގެ ހާދިސާ 1927 ގައި ހިނގީ އަލްޖޭރިއާގައެވެ. އެ ހާދިސާގައި 3،000 ވުރެ ގިނަ މީހުން މަރުވެފައިވެއެވެ.