މި އަހަރުގެ ރޯދަ މަހާއި ޝައްވާލު މަހުގެ ފުރަތަމަ ހަތް ދުވަހުގެ ރަސްމީ މަސައްކަތު ގަޑި ސަރުކާރުން ކަނޑައަޅައިފިއެވެ.

ރައީސް އޮފީހުން ބުނި ގޮތުގައި މި އަހަރުގެ ރޯދަ މަހުގެ ރަސްމީ މަސައްކަތު ގަޑިއާއި ޝައްވާލް މަހުގެ ފުރަތަމަ ހަތް ދުވަހުގެ ރަސްމީ މަސައްކަތު ގަޑިއަކީވެސް ހެނދުނު 9:00 އިން މެންދުރުފަހު 1:00 އެވެ. 

ރައީސް އޮފީހުން ބުނީ އެގޮތަށް ކަނޑައެޅުއްވީ، ރައީސް އޮފީހުން 6 މާރިޗު 2022 ގައި ނެރުއްވި ދެންނެވުމުގެ ދަށުން ކަމަށެވެ. 

ރޯދަ މަސް ނޫން އެހެން ދުވަސްތަކުގައި ސަރުކާރު މުވައްޒަފުން މަސައްކަތް ކުރަން ޖެހެނީ ހެނދުނު 8:00 އިން މެންދުރުފަހު 2:00 އަށެވެ.